Christfest I

Euangelium
S. Lucas.

C. II.

Die Geburt Jesu

||  Mt 1,18-25

Fakultativ: Verse 1 - 14

ES be­gab ſich aber zu der zeit / Das ein Ge­bot von dem Kei­ſer Au­gu­ſto aus­gieng / Das al­le Welt ge­ſchetzt wür­de. ²Vnd die­ſe Scha­tzung war die al­ler­er­ſte / vnd ge­ſchach zur zeit / da Ky­re­ni­us Land­pfle­ger in Sy­ri­en war. ³Vnd je­der­man gieng / das er ſich ſche­tzen lieſ­ſe / ein jg­li­cher in ſei­ne Stad.

⁴DA ma­chet ſich auff auch Jo­ſeph / aus Ga­li­lea / aus der ſtad Na­za­reth / in das Jü­di­ſche­land / zur ſtad Da­uid / die da heiſſt Beth­le­hem / Da­rumb das er von dem Hau­ſe vnd ge­ſchlech­te Da­uid war / ⁵Auff das er ſich ſche­tzen lieſ­ſe mit Ma­ria ſei­nem ver­traw­e­ten Wei­be / die war ſchwan­ger. ⁶Vnd als ſie da­ſelbſt wa­ren / kam die zeit / das ſie ge­be­ren ſol­te. ⁷Vnd ſie ge­bar jren er­ſten Son / vnd wi­ckelt jn in Win­deln / vnd le­get jn in ei­ne Krip­pen / Denn ſie hat­ten ſonſt kei­nen raum in der Her­ber­ge.

⁸VND es waren Hir­ten in der ſel­bi­gen ge­gend auff dem fel­de / bey den Hür­ten / die hü­te­ten des nachts jrer Her­de. ⁹Vnd ſi­he / des HER­RN En­gel trat zu jnen / vnd die Klar­heit des HER­RN leuch­tet vmb ſie / Vnd ſie furch­ten ſich ſeer. ¹⁰Vnd der En­gel ſprach zu jnen. Fürch­tet euch nicht / Si­he / Ich ver­kün­di­ge euch groſ­ſe Freu­de / die al­lem Volck wi­der­fa­ren wird / ¹¹Denn Euch iſt heu­te der Hei­land ge­börn / wel­cher iſt Chri­ſtus der HErr / in der ſtad Da­uid. ¹²Vnd das habt zum Zei­chen / Ir wer­det fin­den das Kind in win­deln ge­wi­ckelt / vnd in ei­ner Krip­pen li­gen. ¹³Vnd als bald ward da bey dem En­gel die men­ge der hi­me­li­ſchen Herr­ſcha­ren / die lob­ten Gott / vnd ſpra­chen / ¹⁴Ehre ſey Gott in der Hö­he / Vnd Frie­de auff Er­den / Vnd den Men­ſchen ein wol­ge­fal­len. ¹⁵

Die Geburt Jesu

||  Mt 1,18-25

Verse 15 - 20

VND da die En­gel von jnen gen Hi­mel fu­ren / ſpra­chen die Hir­ten vn­ter­nan­der / Laſſt vns nu ge­hen gen Beth­le­hem / vnd die Ge­ſchicht ſe­hen / die da ge­ſche­hen iſt / die vns der HERR kund ge­than hat. ¹⁶Vnd ſie ka­men ei­lend / vnd fun­den bei­de Ma­ri­am vnd Jo­ſeph / da­zu das Kind in der krip­pen li­gen. ¹⁷Da ſie es aber ge­ſe­hen hat­ten / brei­te­ten ſie das wort aus / welchs zu jnen von die­ſem Kind ge­ſagt war. ¹⁸Vnd al­le / fur die es kam / wun­der­ten ſich der Re­de / die jnen die Hir­ten ge­ſagt hat­ten. ¹⁹Ma­ria aber be­hielt al­le die­ſe wort / vnd be­we­get ſie in jrem her­tzen. ²⁰Vnd die Hir­ten ke­re­ten wi­der­umb / prei­ſe­ten vnd lob­ten Gott vmb al­les / das ſie ge­hö­ret vnd ge­ſe­hen hat­ten / wie denn zu jnen ge­ſagt war.

✽

Die Epiſtel S. Pauli:
An Titum.

C. III.

Aus dem Abschnitt:

Der alte und der neue Mensch

Verse 4 - 7

Paulus schreibt:

DA aber erſchein die Freundligkeit vnd Leutſe­lig­keit Got­tes vn­ſers Hei­lan­des / ⁵Nicht vmb der werck willen der Gerechtigkeit / die wir ge­than hatten / Son­dern nach ſei­ner Barm­her­tzig­keit / machet er vns ſe­lig / Durch das Bad der widergeburt / vnd ernewerung des heiligen Geiſtes / ⁶Welchen er ausgegoſſen hat vber vns reichlich / durch Jhe­ſum Chriſt vn­ſern Heiland / ⁷Auff das wir durch desſelbigen Gnade / gerecht vnd Erben ſeien des ewigen Lebens / nach der hoffnung / ⁸Das iſt je gewis­lich war.

✽

Der Próphet Micĥa.

C. V.

Aus dem Abschnitt:

Der kommende Herrscher aus Beth­le­hem

Verse 1 - 4a

DU Beth­le­hem Ephrata / die du klein biſt / vn­ter den tau­ſen­ten in Juda / Aus dir ſol mir der ko­men / der in Iſ­ra­el Herr ſey / welchs Ausgang von anfang vnd von ewig her geweſt iſt. ² c In des leſſt er ſie plagen / Bis auff die zeit / das die / ſo geberen ſol / geboren habe / Da wer­den denn die vbrigen ſei­ner Brüder widerko­men zu den kin­dern Iſ­ra­el. ³Er aber wird auff­tret­ten vnd weiden in krafft des HER­RN / vnd im Sieg des Namens ſei­nes Got­tes / Vnd ſie wer­den wonen / Denn er wird zur ſel­bi­gen zeit herrlich wer­den / ſo weit die Welt iſt.

DA zu wer­den wir auch frie­den haben

✽

Die erſte Epiſtel S. Johannis.

C. III.

Aus dem Abschnitt:

Die Herrlichkeit der Gotteskindschaft

Verse 1 - 6

Johannes schreibt:

SEhet / welch eine Liebe hat vns der Va­ter erzeiget / das wir Got­tes­kin­der ſollen heiſ­ſen. Dar­umb kennet euch die Welt nicht / Denn ſie ken­nen jn nicht. ²Meine lie­ben / wir ſind nu Got­tes kin­der / vnd iſt noch nicht erſchienen / was wir ſein wer­den. Wir wiſ­ſen aber wenn es erſcheinen wird / das wir jm gleich ſein wer­den / Denn wir wer­den jn ſe­hen / wie er iſt. ³Vnd ein jg­li­cher der ſolche hoffnung hat zu jm / der reiniget ſich / gleich wie er auch rein iſt. ⁴Wer ſun­de thut / Der thut auch vnrecht / vnd die ſünde iſt das vnrecht. ⁵Vnd jr wiſ­ſet / das er iſt erſchienen / auff das er vn­ſe­re ſünde wegneme / vnd iſt keine ſun­de in jm. ⁶Wer in jm bleibet / der ſün­di­get nicht / Wer da ſundiget / Der hat jn nicht geſehen noch erkand.

✽

Euangelium
S. Johannes.

C. III.

Aus dem Abschnitt:

Das letzte Zeugnis des Täufers von Jesus

Verse 31 - 36

Johannes der Täufer sprach:

DEr von Oben her kompt / iſt vber alle / Wer von der Erden iſt / der iſt von der erden / vnd redet von der erden. Der vom Hi­mel kompt der iſt vber alle / ³²vnd zeuget was er geſehen vnd ge­hö­ret hat / Vnd ſein Zeugnis nimpt niemand an. ³³Wer es aber annimpt / der * verſiegelts / das Gott warhafftig ſey. ³⁴Denn welchen Gott ge­ſand hat / der redet Got­tes wort / Denn Gott gibt den Geiſt nicht b nach dem maſs. ³⁵Der Va­ter hat den Son lieb / vnd hat jm alles in ſei­ne Hand gegeben. ³⁶Wer an den Son gleubet / der hat das ewige Leben / Wer dem Son nicht gleubet / der wird das Leben nicht ſe­hen / Son­dern der zorn Got­tes bleibt vber jm.

✽

Die Epiſtel S. Páuli:
An die Gálater.

C. IV.

Aus dem Abschnitt:

Die Christen sind Kinder Got­tes und Erben der Verheissung

Verse 4 - 7

Paulus schreibt:

DA aber die zeit erfüllet ward / ſand­te Gott ſei­nen Son / geborn von einem Weibe / vnd vn­ter das Ge­ſetz ge­than / ⁵Auff das er die / ſo vn­ter dem Ge­ſetz waren / er­lö­ſet / Das wir die Kindſchafft empfiengen. ⁶Weil jr denn Kinder ſeid / hat Gott ge­ſand den geiſt ſei­nes Sons in ew­re her­tzen / der ſchreiet / Abba / lie­ber Va­ter. ⁷Al­ſo iſt nu hie kein Knecht mehr / ſon­dern eitel Kinder / Sinds aber Kinder / ſo ſinds auch Erben Got­tes / durch Chri­ſtum.

✽

Die Erſte Epiſtel
S. Páuli:
An die Córinther.

C. VIII.

Aus dem Abschnitt:

Vom Essen des Götzenopferfleisches

Verse 2 - 6

Paulus schreibt:

SO aber ſich jemand düncken leſſt / er wiſ­ſe et­was / der weis noch nichts / wie er wiſ­ſen ſol. ³So aber jemand Gott lie­bet / der­ſel­bi­ge iſt von jm erkand. ⁴So wiſ­ſen wir nu von der ſpeiſe des Gö­tzen­op­f­fers / das ein Götz nichts in der welt ſey / Vnd das kein ander Gott ſey / on der einige. ⁵Vnd wiewol es ſind die Götter genennet wer­den / es ſey im Hi­mel oder auff Erden (Sin­te­mal es ſind viel Götter vnd viel Herrn) ⁶So haben wir doch nur einen Gott / den Va­ter / von wel­chem alle ding ſind / vnd wir jn jm / vnd einen HErrn Jhe­ſu Chriſt / durch welchen alle ding ſind / vnd wir durch jn.

✽