Das Buch Nehemia

Das Bucĥ Nehemiá.

I.

I.

NEHEMIA KOMMT NACH JERUSALEM

Überschrift und Anlass des Buchs

DIs ſind die Geſcĥte

Nehemja / des ſons Hachalja. Es geſchach im monden Chislef des zwenzigſten jars / das ich war zu Suſan auff dem Schlos / ²kam Hanani einer meiner brüder / mit etlichen Mennern aus Juda / Vnd ich fraget ſie / Wie es den Jüden gienge / die errettet vnd vberig waren von dem Gefengnis / vnd wie es zu Jeruſalem gienge? ³Vnd ſie ſprachen zu mir / Die vbrigen von dem Gefengnis ſind daſelbs im Lande in groſſem vnglück vnd ſchmach / Die mauren Jeruſalem ſind zubrochen / vnd jre Thor mit fewr verbrand. ⁴Da ich aber ſolche wort höret / ſas ich vnd weinet / vnd trug leid zween tage / vnd faſtet vnd betet fur dem Gott von Himel / ⁵vnd ſprach.

Nehemias Gebet

AH HERR Gott von Himel / groſſer vnd ſchrecklicher Gott / der da helt den Bund vnd barmhertzigkeit denen / die jn lieben / vnd ſeine Gebot halten / ⁶Las doch deine Ohren auffmercken / vnd deine Augen offen ſein / das du höreſt das gebet deines Knechts / das ich nu fur dir bete tag vnd nacht / fur die kinder Iſrael deine Knechte / vnd bekenne die ſünde der kinder Iſrael / die wir an dir gethan haben / vnd ich vnd meins Vaters haus haben auch geſündiget. ⁷Wir ſind verruckt worden / Das wir nicht gehalten haben die Gebot / Befelh vnd Rechte / die du geboten haſt deinem knecht Moſe.

⁸GEdenck aber doch des worts / das du deinem knecht Moſe geboteſt / vnd ſpracheſt / Wenn jr euch vergreifft / So wil ich euch vnter die Völcker ſtrewen. ⁹Wo jr euch aber bekeret zu mir / vnd haltet meine Gebot / vnd thut ſie / vnd ob jr verſtoſſen weret bis an der Himel ende / So wil ich euch doch von dannen verſamlen / vnd wil euch bringen an den Ort / den ich erwelet habe / das mein Name daſelbs wone. ¹⁰Sie ſind doch ja deine Knechte vnd dein Volck / die du erlöſet haſt / durch deine groſſe Krafft vnd mechtige Hand. ¹¹Ah HERR / las deine Ohren auffmercken auff das gebet deines Knechtes / vnd auffs gebet deiner Knechte / die da begern deinen Namen zu fürchten / vnd las deinem Knechte heute gelingen / vnd gib jm barmhertzigkeit fur dieſem Manne / Denn ich war des königs Schencke.

✽