Die Apostelgeschichte
des Lukas

Das anderteil des Euangelij S. Lucas: Von der Apoſtel Geſcĥicĥte.

I.

•  

  Das anderteil des Euangelij S. Lucas: Von der Apoſtel Geſchichte, Cap. I.
  »Der Evangelist Lukas«

I.

DIE ENTSTEHUNG DER GEMEINDE

Vorwort

DIe Erſte Rede hab

ich zwar gethan / lieber Theophile / von alle dem / das Jheſus anfieng / beide zu thun vnd zuleren / ²Bis an dent ag / da er auffgenomen ward / Nach dem er den Apoſteln (welche er hatte erwelet) durch den heiligen Geiſt / befelh gethan hatte / ³Welchen er ſich nach ſeinem Leiden lebendig erzeiget hatte / durch mancherley erweiſung / vnd lies ſich ſehen vnter jnen vierzig tage lang / vnd redet mit jnen vom reich Gottes. ⁴Vnd als er ſie verſamlet hatte / befalh er jnen / Das ſie nicht von Jeruſalem wichen / ſondern warteten auff die Verheiſung des Vaters / welche jr habt gehöret (ſprach er) von mir / ⁵Denn Johannes hat mit waſſer getaufft / Ir aber ſolt mit dem heiligem Geiſte getaufft werden / nicht lange nach dieſen tagen.

Die Himmelfahrt

DIE aber ſo zuſamen komen waren / fragten jn / vnd ſprachen / HErr / wirſtu auff dieſe zeit wider auffrichten das reich Iſrael? ⁷Er ſprach aber zu jnen / Es gebürt euch nicht zu wiſſen zeit oder ſtunde / welche der Vater ſeiner macht furbehalten hat / ⁸Sondern jr werdet die krafft des heiligen Geiſtes empfahen / welcher auff euch komen wird / Vnd werdet * meine Zeugen ſein zu Jeruſalem / vnd in gantz Judea vnd Samaria / vnd bis an das ende der Erden.

⁹VNd da er ſolchs geſagt / ward er auffgehaben zuſehens / vnd eine Wolcke nam jn auff fur jren augen weg. ¹⁰Vnd als ſie jm nach ſahen gen Himel farend / ſihe / da ſtunden bey jnen zween Menner in weiſſen Kleidern / ¹¹welche auch ſagten / Ir menner von Galilea / was ſtehet jr / vnd ſehet gen Himel? Dieſer

Der Apoſtel   C. I.

Jheſus / welcher von euch iſt auffgenomen gen Himel / wird komen / wie jr in geſehen habt / gen Himel faren.

¹²DA wandten ſie vmb gen Jeruſalem / von dem Berge / der da heiſſet der Oleberg / welcher iſt nahe bey Jeruſalem / vnd ligt ein Sabbather weg dauon. ¹³Vnd als ſie hin ein kamen / ſtiegen ſie auff den Söller / da denn ſich enthielten Petrus vnd Jacobus / Johannes vnd Andreas / Philippus vnd Thomas / Bartholomeus / vnd Mattheus / Jacobus Alphei ſon / vnd Simon Zelotes / vnd Judas Jacobi. ¹⁴Dieſe alle waren ſtets bey einander einmütig mit beten vnd flehen / ſampt den Weibern / vnd Maria der mutter Jheſu / vnd ſeinen Brüdern.

Die Wahl des Matthias zum Apostel

VND in den tagen / trat auff Petrus vnter die Jünger / vnd ſprach (Es war aber die Schare der namen zu hauffe bey hundert vnd zwenzig) ¹⁶Ir Menner vnd Brüder / Es muſte die Schrifft erfüllet werden / welche zuuor geſagt hat der heilige Geiſt / durch den mund Dauid / von Juda / der ein Furgenger war / dere / die Jheſum fiengen / ¹⁷denn er war mit vns gezelet / vnd hatte dis Ampt mit vns vberkomen. ¹⁸Dieſer hat erworben den Acker vmb den vngerechten Lohn / vnd ſich erhenckt / vnd iſt mitten entzwey geborſten / vnd alle ſein Eingeweide ausgeſchüt. ¹⁹Vnd es iſt kund worden allen / die zu Jeruſalem wonen / alſo / das derſelbige acker genennet wird auff jre Sprache / Hakeldama / das iſt / ein Blutacker. ²⁰Denn es ſtehet geſchrieben im Pſalmbuch / Ire Behauſung müſſe wüſte werden / vnd ſey niemand der drinnen wone. Vnd / Sein Biſtum empfahe ein ander.

SO mus nu einer vnter dieſen Mennern / die bey vns geweſen ſind / die gantze zeit vber / welche der HErr Jheſus vnter vns iſt aus vnd eingegangen / ²²von der tauffe Johannis an / bis auff den tag / da er von vns genomen iſt / ein Zeuge ſeiner aufferſtehung mit vns werden. ²³Vnd ſie ſtelleten Zween / Joſeph genant Barſabas / mit dem zunamen Juſt / vnd Mathian / ²⁴Betteten vnd ſprachen / HERR / aller hertzen Kündiger / zeige an / welchen du erwelet haſt vnter dieſen Zween / ²⁵Das einer empfahe dieſen Dienſt vnd Apoſtelampt / dauon Judas abgewichen iſt / das er hin gienge an ſeinen ort. ²⁶Vnd ſie worffen das Los vber ſie / vnd das Los fiel auff Matthian / Vnd er ward zugeordenet zu den eilff Apoſteln.

✽

1) Druckfehler: an dent ag

Korrektur: an den tag